Slik låner du

Korleis bli lånar?

For å låne frå biblioteket må du ha lånekort. Med lånekort får du også tilgang til fleire digitale tenester.

Det er ulike typar lånekort:

Lokalt lånekort. Alle som har fylt 6 år kan få lokalt lånekort. Barn under 10 år må ha underskrift frå foreldre/føresette for å få lånekort.

Nasjonalt lånekort. For dei over 15 år kan lånekortet registrerast nasjonalt. Dette lånekortet kan nyttast i bibliotek i heile landet. Nokre digitale tenester krev nasjonalt lånekort.

Digitalt lånekort. Dette er eit fullverdig nasjonalt lånekort. Lånar utan nasjonalt lånekort frå før kan sjølv registrere seg på nb.bib.no. Du må opplyse det lokale bibliotek ditt om at du har skaffa deg nasjonalt lånekort før du kan ta i bruk biblioteket sine tenester. Det digitale lånekortet blir brukt på same måte som eit fysisk lånekort.

Finn det du vil låne

Biblioteket sin database. Her finn du bøker, tidsskrift m.m. som vi har i samlinga i biblioteket.

Loggar du deg inn på Meg & Mitt kan du sjå kva du har lånt, forlenge låna dine og reservere bøker.

I Biblioteksøk finn du bøker, lydbøker, film m.m. frå alle andre norske bibliotek. Du kan tinge materialet sjølv, eller be oss om hjelp til å gjere det. Biblioteksøk gir deg også direkte tilgang på nett til litteratur som er digitalisert i Nasjonalbiblioteket.

Det finst fleire gode tenester for deg som har ønske om, eller behov for, litteratur på anna språk eller som er tilrettelagt på ulike måtar. Les om korleis du kan få bøker frå Norsk lyd- og blindeskriftbibliotek, Leser søker bok og Det flerspråklige bibliotek.

Hugs òg dei mange digitale tilboda biblioteket tilbyr.

Kvar kan eg låne?

Askvoll bibliotek er mellombels lokalisert i Bankbygget i sentrum.
Adresse: Askvollvegen 425, 6980  ASKVOLL.

Vi har dessutan Bok i butikk i Kvammen og i Bulandet (Joker). Ordninga er ubyråkratisk og basert på tillit. Kunden som vil låne bøker noterer namn og dato i ei utlånsbok. Kunden kan ha boka i fire veker før den må leverast attende til butikken. Kunden skal kunne plukke med seg nye bøker, men også bøker som er nokre år gamle. Askvoll bibliotek sørger for at bøkene i bokhylla blir skifta ut jamnleg.

Lånetid

Lånetid på bøker er 4 veker. Lånetid på tidsskrift er ei veke. Kontakt biblioteket dersom du ønskjer forlenga lånetid, eller logg deg inn på Meg & Mitt og registrer forlenginga sjølv.

Bøker/tidsskrift som ikkje vert levert attende, må du erstatte til kostpris.

Lån frå andre bibliotek (fjernlån)

Mykje av materialet som ikkje er å finne i biblioteket si samling, kan lånast inn frå andre bibliotek. Biblioteka i Vestland har laga ei felles tenesteerklæring for fjernlån, etter at det vart nasjonale innstrammingar på dette for ei tid tilbake:

Kva er fjernlån?

  • Fjernlån er lån mellom bibliotek. Dersom du ikkje finn det du leitar etter på biblioteket, kan det bestillast frå andre bibliotek.
  • Fjernlån er gratis for lånaren.
  • Du kan bestille fjernlån sjølv på bibsok.no, eller du kan be biblioteket om å bestille for deg.

Kven kan få fjernlån?

Kva kan du bestille?

  • Nesten alt som finst i norske bibliotek kan lånast inn, med unntak av nokre digitale ressursar som berre er tilgjengelege for studentar via universitet og høgskular.
  • Nye, populære bøker og bøker som finst i biblioteket si eiga samling kan du  vanlegvis ikkje låne inn frå andre bibliotek. Du vil bli sett på venteliste i ditt eige bibliotek.
  • Biblioteket kan bestille inn fleire eksemplar av same tittel til lesesirklar. Ver ute i god tid, og ikkje sikt på nye, populære bøker.

Pensumlitteratur

Universitet og høgskular forventar at studentane kjøper inn sentralt pensum sjølve, og du kan ikkje vente at biblioteket låner inn materiale frå pensumlister til deg.

Av og til treng du berre eit kapittel eller to, eller du treng støttelitteratur som supplement eller fordjuping. Til slike føremål har nokre studiestader eksemplar til utlån. Dette kan du låne inn via bibsok.no, og velje ditt lokale folkebibliotek som hentestad. Ver merksam på at du vert ståande på den same ventelista som dei studentane som reserverer materialet i campusbiblioteka sine samlingar.

Vi oppmodar deg om å gjere deg kjent med om noko av materialet er tilgjengeleg digitalt gjennom open access eller gjennom studentpålogging, slik at vi ikkje sender materiale fysisk dersom det ikkje er naudsynt. Det er raskare for deg, og betre bruk av ressursane for biblioteka.

Elevar, lærarar og privatistar ved vidaregåande skular kan kontakte skulen sitt bibliotek om pensumlitteratur eller bestille sjølv dersom materialet er tilgjengeleg for fjernlån i bibsok.no.

Kor lenge kan du halde på fjernlånt materiale?

Eigarbiblioteket bestemmer lånetid og andre vilkår for fjernlånt materiale.